Germaniyaning Baden-Vyurtemberg hududida Deutsche Bahn dispetcheri ish joyining o‘zida hushidan ketguncha mast bo‘lib, taxminan bir yarim soat davomida poyezdlar harakatini to‘xtatib qo‘ydi.
Hodisa yakshanba kuni ertalab sodir bo‘lgan. 29 yoshli xodim Gengenbaxdagi dispetcherlik punktida bo‘lgan paytda to‘satdan aloqaga chiqmay qo‘ygan.
Hodisa joyiga polisiya va qutqaruvchilar chaqirilgan. Dispetcherlik xonasining eshigi qulflangan bo‘lgan. Erkakni esa derazadan karavotda yotgan holda ko‘rishgan. Qat’iy taqillatishlardan so‘ng u eshikni ochgan.
Uning yonidan bir nechta bo‘sh pivo shishalari topilgan. Alkotest natijasida qonida 0,94 promille spirt borligi aniqlangan.
Biroq voqea shu bilan tugamagan. Xodimning hamyonidan oq modda solingan ikkita paketcha topilgan. Uning aytishicha, bu kokain bo‘lgan.
Polisiya undan qon tahlili olishni tayinlagan va temiryo‘l harakati xavfsizligiga tahdid solish hamda giyohvand moddalarni noqonuniy saqlash gumoni bo‘yicha tergov boshlagan.
Taxminan soat 10:20 da Deutsche Bahn uning o‘rniga boshqa dispetcherni yuborgan. Ko‘p o‘tmay Offenburg va Konstans o‘rtasidagi Shvarsvald temiryo‘lida poyezdlar harakati qayta tiklangan.
Buqa 300 ming dollarga sotildi
Kim Chen Inning qizidan kichik yana bir farzandi bor — razvedka
Husiy jangchisi: «Keyingi maqsad — Makkani Saudiya hukumati hokimiyatidan ozod qilish»
