Германиянинг Баден-Вюртемберг ҳудудида Deutsche Bahn диспетчери иш жойининг ўзида ҳушидан кетгунча маст бўлиб, тахминан бир ярим соат давомида поездлар ҳаракатини тўхтатиб қўйди.
Ҳодиса якшанба куни эрталаб содир бўлган. 29 ёшли ходим Генгенбахдаги диспетчерлик пунктида бўлган пайтда тўсатдан алоқага чиқмай қўйган.
Ҳодиса жойига полиция ва қутқарувчилар чақирилган. Диспетчерлик хонасининг эшиги қулфланган бўлган. Эркакни эса деразадан каравотда ётган ҳолда кўришган. Қатъий тақиллатишлардан сўнг у эшикни очган.
Унинг ёнидан бир нечта бўш пиво шишалари топилган. Алкотест натижасида қонида 0,94 промилле спирт борлиги аниқланган.
Бироқ воқеа шу билан тугамаган. Ходимнинг ҳамёнидан оқ модда солинган иккита пакетча топилган. Унинг айтишича, бу кокаин бўлган.
Полиция ундан қон таҳлили олишни тайинлаган ва темирйўл ҳаракати хавфсизлигига таҳдид солиш ҳамда гиёҳванд моддаларни ноқонуний сақлаш гумони бўйича тергов бошлаган.
Тахминан соат 10:20 да Deutsche Bahn унинг ўрнига бошқа диспетчерни юборган. Кўп ўтмай Оффенбург ва Констанц ўртасидаги Шварцвальд темирйўлида поездлар ҳаракати қайта тикланган.
Буқа 300 минг долларга сотилди
Ким Чен Иннинг қизидан кичик яна бир фарзанди бор — разведка
Ҳусий жангчиси: «Кейинги мақсад — Маккани Саудия ҳукумати ҳокимиятидан озод қилиш»
