Fransiyaning Marsel shahrida sodir bo‘lgan otishma oqibatida bir kishi halok bo‘ldi, yana to‘rt kishi jabrlandi. Bu haqda Le Parisien o‘z manbalariga tayanib xabar berdi.
Nashr ma’lumotiga ko‘ra, 30 avgust kuni yarim tundan ko‘p o‘tmay, ikki g‘ildirakli transport vositasida bo‘lgan yo‘lovchi bar terrasasidagi odamlarga qarata o‘q uzgan va voqea joyidan qochib ketgan.
Halok bo‘lgan shaxs 20 yoshda bo‘lgan.
18 yoshdan 23 yoshgacha bo‘lgan uch nafar jabrlanuvchi shifoxonaga yotqizilgan. Ularning ikki nafari og‘ir ahvolda ekani aytilmoqda.
Yana bir jabrlanuvchi, taxminlarga ko‘ra voyaga yetmagan shaxs, hodisa joyini tark etgan.
Hujumchini qidirish ishlari davom etmoqda.
"Bu bosib olingan hudud emas. Bu bizning yerimiz..."
Kiyevning bir necha oyi qoldi
Wildberries asoschisi yana Rossiyaning eng boy ayoliga aylandi
