Qirg‘iziston bosh vaziri Muxammadkaliy Abilgaziyev mehnat va ijtimoiy rivojlanish vaziri o‘rinbosari Zuurakan Kadenovani uning samolyot ekipaji bilan janjallashgandan so‘ng xalqaro reysdan olingani haqida xabar paydo bo‘lgandan keyin lavozimidan bo‘shatdi.
Avvalroq ijtimoiy tarmoqlarda Kadenova “Eyr Astana” aviakompaniyasining Seul-Olmaota yo‘nalishi bo‘yicha parvoz qilishi kerak bo‘lgan samolyotda janjal chiqargani haqida ma’lumot paydo bo‘lgan. Guvohlarning ta’kidlashicha, yuqori lavozimli amaldor bortkuzatuvchilar bilan janjallashib, ularga diplomatik pasportini ko‘rsatgan. Oqibatda ekipaj sardori ayolni reysdan olishga qaror qilgan.
Ayni vaqtda Kadenova Seuldagi mehmonxonalardan birida qolmoqda. Uning keyingi reys bilan vataniga qaytarilish masalasi ko‘rilmoqda. Ayol Seulda Qirg‘izistonning rasmiy delegasiyasi tarkibida bo‘lgan.
Manba: kun.uz
