Malining sharqidagi terakt oqibatida kamida 21 kishi qurbon bo‘ldi. Bu haqda “TASS” xabar beradi.
Xabarda Tessit hududidagi jangarilarning hujumi oqibatida 17 harbiy va 4 nafar tinch aholi halok bo‘lgani aytilmoqda. Bundan tashqari, 22 kishi jarohatlangan, 9 kishi bedarak yo‘qolgan.
Mali harbiylarining xabar berishicha, huquq-tartibot kuchlari o‘nga yaqin jangarini yo‘q qilgan.
Hujum “Islomiy davlat” tashkilotiga aloqador terrorchilar tomonidan amalga oshirilgani taxmin qilinmoqda.