Ko‘p tilli universal Internet ensiklopediyasi - Vikipediyadagi "Soxta insonlar" maqolasi yangilandi. Unda bugun inaugurasiya o‘tkazgan va Belorusiya Prezidenti lavozimida ishga kirishgan Aleksandr Lukashenkoning ismi paydo bo‘ldi.
Maqolada aytilishicha, soxta inson - g‘arazli yoki siyosiy maqsadlarda o‘zligini, aslidan unday bo‘lmagan qilib ko‘rsatuvchi shaxs.
Uning ortidan esa "Antik davrning soxta insonlari", "Evropaning soxta insonlari" toifalariga bo‘lingan ro‘yxat keltirilgan.
Oxirida esa Norvegiya taxtini egallagan Sverrir Sigurdson, o‘zini imperator Frederik II deb atagan Til Kolup, boshqa bir qancha ismlar hamda "2020 yilgi saylovlarga qadar hech qachon siyosat bilan shug‘ullanmagan Svetlana Tixanovskayaga saylovda yutqazgan Belorusiya diktatori" sifatida Aleksandr Lukashenkoning ismi qayd etilgan.