Los-Anjeles sherifining o‘rinbosari patrul mashinasida o‘ldirildi

AQShning Kaliforniya shtatida Los-Anjeles okrugi sherifining o‘rinbosari shaxsiy patrul mashinasida noma’lum shaxs tomonidan otib o‘ldirilgan.

Bu haqda CNN telekanali ma’lum qildi.

Ma’lumotlarga ko‘ra, 30 yoshli Rayan Klinkenbrumer Los-Anjelesdan 95 km shimolda joylashgan Palmdale shahridagi sherif idorasi yonida hushsiz holatda topilgan.

Voqea joyiga yetib kelgan tez yordam guruhi uning o‘lganini e’lon qildi. Hozirda otishma sodir etgan shaxsning shaxsi aniqlanmoqda.

Los-Anjeles okrugi sherifi Robert Luna CNNga otishma qasddan sodir etilganligini aytdi.