Londonda Eron foydasiga josuslikda ayblanib to‘rt kishi hibsga olindi

Buyuk Britaniya poytaxti Londonda to‘rt kishi Eron foydasiga josuslik qilishda gumon qilinib hibsga olindi.

Bu haqda Sky News telekanali xabar berdi.

Polisiya ma’lumotlariga ko‘ra, ular terrorizmga qarshi josuslik bo‘yicha tergov doirasida hibsga olingan. Erkaklar Eron razvedka xizmatiga yordam berishda gumon qilinmoqda.

Ayblovlarga ko‘ra, ular Londonning yahudiy jamoasi bilan bog‘liq joylar va odamlarni kuzatgan.

Londonning terrorizmga qarshi polisiyasi boshlig‘i Xelen Flanagan hibsga olishlar uzoq muddatli tergovning bir qismi ekanligini aytdi.

"Biz jamoatchilik, ayniqsa yahudiy jamoasi a’zolari xavotirda bo‘lishi mumkinligini tushunamiz. Har doimgidek, men ulardan hushyor bo‘lishlarini va shubhali biror narsa ko‘rsalar yoki eshisalar, biz bilan bog‘lanishlarini so‘rayman", dedi u.

Polisiya ma’lumotlariga ko‘ra, hibsga olinganlardan biri Eron fuqarosi, uchtasi esa Britaniya-Eron qo‘shaloq fuqaroligiga ega Britaniya fuqarolari.