***
Folbin erkakka dedi:
— Siz ikki bolaning otasisiz?
— Adashdingiz. Men uch bolaning otasiman.
— Yo‘q, siz adashdingiz. Ikki bolaning otasisiz.
***
Ayol avvaliga yangi tanishgan yigiti uni teatr, kinolarga olib borishini istaydi, shu bahonada bu yigit bilan uchrashish kerakmi-yo‘qmi, aniqlamoqchi bo‘ladi. Yigit esa o‘zi tanishgan qizni dastlab uyiga olib borishni xohlaydi. Shu bahonada bu qiz bilan kino, teatrlarga borish kerakmi-yo‘qmi, aniqlab olmoqchi bo‘ladi.
***
Hayvonot bog‘i direktori qarasa, fillardan biri qattiq yo‘tala boshlabdi. Unga bir chelak vino ichirib yuborgandi, yo‘tali to‘xtadi-qo‘ydi. Ammo boshqa qafasdagi fillar baravariga yo‘tala boshlashdi.
***
Pora olishga mukkasidan ketgan ekskursovod navbatdagi sayohatchilardan qanday pul undirishni bilmay, oxiri haykallardan birini ko‘rsatib dedi:
— Ko‘rdilaringmi, hov anavi haykalning qo‘li qo‘ynidan chiqib turibdi?!
— Ha.
— U kamtarlik bilan ekskursovodni nima bilandir siylab qo‘yinglar demoqchi bo‘layapti.
***
O‘rmon. Er-xotin qo‘ziqorin terib yurishardi. Xotin oq qo‘ziqorin topib oldi-yu, eriga qichqirdi:
— Dadasi, bu yeb bo‘ladigan qo‘ziqorinmi?
— Hozircha sen uni pishirganing yo‘q. Demak, hozircha yesa bo‘ladi.
***
Er-xotin qo‘llarida katta sumka bilan vokzalga kelishdi. Er yelka qisib dedi:
— Afsus, pianino esdan chiqibdi-da!..
— IYE, jinni bo‘lganmisiz?
— Jinni bo‘lganim yo‘q. Poyezd chiptasi bilan sanatoriyga berilgan yo‘llanma pianinoning ustida qolib ketibdi.
***
Er xotiniga dedi:
— Hadeb ming‘illayverma! Ortiqcha narsalarga pul sarflayapsanmish... Qani ortiqcha narsaga pul sarflaganim?
— O‘t o‘chiradigan uskuna-chi? Keraksiz narsa emasmi o‘sha? Sotib olganingizga olti yil bo‘ldi, hali biror marta foydalanganimiz yo‘q!
***
Muallim:
— Toshmat, rostini ayt, inshoingni kim yozib berdi?
— Bilmadim, men erta uxlab qolgandim.
***
Besh yashar bola qo‘shnining derazasini tosh otib sindirib qo‘ydi. Onasi uni qo‘rqitayapti.
— Endi tamom! Otang kechqurun do‘kondan yangi oyna olib qo‘shnimizning derazasiga solib bermaguncha, sen shimingni yechib orqang bilan o‘sha derazaning ochiq joyini berkitib turasan.
Bolakay yig‘lab:
— Oyi, tushda men bilan almashib turasizmi?
***
Radiodagi yangilikdan:
— Sport ustalari Toshmatov hamda Eshmatovlar o‘rtasidagi shaxmat musobaqasi muddatidan oldin nihoyasiga yetdi. Yigirmanchi daqiqada Eshmatovning qoshi yorilganligi sababli g‘oliblik Toshmatovga berildi.
