Lamin Yamal Ispaniya terma jamoasida yangi rekord o‘rnatdi

Lamin Yamal Ispaniya terma jamoasi safida yana bir tarixiy natijani qayd etdi.

19 yoshli "Barselona" vingeri UYEFA Millatlar ligasida Xorvatiyaga qarshi 4:1 hisobida yakunlangan uchrashuvda ikki bor raqib darvozasini ishg‘ol qildi va Mark Pubilga golli uzatma berdi.

Shu tariqa, Yamal Ispaniya milliy jamoasi tarixida bir o‘yinda kamida uchta golli harakat — 2 ta gol va 1 ta assist qayd etgan eng yosh futbolchiga aylandi.

Uchrashuv kuni Lamin 19 yoshu 78 kunlik edi.

Bunga qadar mazkur ko‘rsatkich Raul va Xoseba Echeberriyaga tegishli bo‘lgan. Ular ham terma jamoa safida bir o‘yinda uchta samarali harakat amalga oshirgan, ammo bu natijaga 21 yoshu 273 kunligida erishgan.