Zelenskiy: KXDR Rossiyaga yana 10 ming nafar harbiy yuborishga tayyorgarlik ko‘rmoqda.
Shimoliy Koreya hukumati Rossiyaga taxminan 10 ming nafar harbiyni yuborishga tayyorgarlik ko‘rmoqda. Ulardan 8 mingdan ortiq askar allaqachon Rossiya hududida ekanini Ukraina prezidenti Vladimir Zelenskiy Ukraina Mudofaa vazirligi Bosh razvedka boshqarmasi hisobotidagi «yangi ma’lumotlar»ga tayanib ma’lum qildi.
Zelenskiyning ta’kidlashicha, Rossiya hukumati Ukrainaga qarshi urushda ishtirok etish uchun xorijliklarni yollashni «ko‘paytirishni rejalashtirmoqda».
«Rossiya o‘z armiyasiga odamlarni jalb qilayotgan mamlakatlar hukumatlari bunga qarshi chora ko‘rishi muhim. Biz har bir hukumatni xabardor qilamiz», — dedi prezident.
Janubiy Koreya razvedkasi baholariga ko‘ra, Shimoliy Koreya Rossiyani urushda qo‘llab-quvvatlash uchun allaqachon taxminan 15 ming nafar harbiy yuborgan. Taxminlarga ko‘ra, Pxenyan buning evaziga Moskvadan pul, harbiy texnologiyalar va xavfsizlik kafolatlarini olmoqda.
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
Ra’no Shodiyeva uchun og‘ir judolik
