Koronavirusga qaytamiz! "Omikron"ning 4 ta yashirin alomati ma’lum bo‘ldi

"Omikron"ga chalingan bemorlarda simptomlarning keng doirasi mavjud bo‘lib, ularning ba’zilari boshqa kasalliklarnikiga o‘xshashi mumkin. Bu haqda Thu Sun nashriga mutaxassislar ma’lum qildi.

Xususan, charchoq "omikron"ning yashirin alomatlaridan biridir. Tadqiqotlarga ko‘ra, koronavirus bilan og‘rigan bemorlarning 62 foizida ortiqcha holsizlik hissi kuzatiladi. Umumiy amaliyot shifokori Sachin Nagrani ta’kidlaganidek, charchoq ham COVID-19 infeksiyasining dastlabki belgisi bo‘lishi mumkin.

"Omikron"ning yana bir yashirin alomati - bu mushak og‘rig‘i va tanadagi og‘riqlar, bu tananing koronavirusga reaksiyasi bilan bog‘liq. Bundan tashqari, olimlar "omikron" va "delta" shtammlari bo‘lgan ba’zi bemorlarda ishtahani yo‘qotishini aniqladilar.

Bundan tashqari, ko‘ngil aynishi va diareya ham COVID-19 infeksiyasini ko‘rsatishi mumkin. Shu bilan birga, mutaxassislar ushbu alomatlar ko‘pincha tomoq og‘rig‘i yoki hidni yo‘qotish kabi koronavirusning boshqa asosiy ko‘rinishlari bilan birga bo‘lishini ta’kidladilar.