25 fevral kuni Turkmaniston prezidenti Gurbanguli Berdimuxamedov COVID-19 koronavirusini mamlakatga kirishining oldini olishga qaratilgan yig‘ilish o‘tkazdi. «Xroniki Turkmenistana» xabarigako‘ra, unda davlat rahbari xorijga chiqayotgan fuqarolarni nazorat qilish haqida topshiriq bergan.
Yig‘ilishdan keyin Ashgabat aeroportida mahalliy fuqarolarni xalqaro reyslardan tushirib qoldirish boshlangan. Natijada, chiptalarni qaytarish istagida bo‘lgan yuzlab odamlardan iborat navbatlar yuzaga kelgan.
Ayni paytda «Turkmenhowayollary» aviakompaniyasi Istanbul va Anqaraga reyslarni bekor qilgan. Biroq «Turk Hava Yolları» Istanbul – Ashgabat yo‘nalishidagi parvozlarni davom ettirmoqda va faqat xorij fuqarolariga xizmat ko‘rsatmoqda.
Ashgabat xalqaro aeroportida xorijdan kelgan yo‘lovchilarni shifokorlar kutib olmoqda va maxsus uskunalar yordamida haroratini o‘lchamoqda. Bundan tashqari, dezinfektorlar, FVV va tez yordam mashinalari navbatchiligi tashkil qilingan.
Avvalroq Turkmaniston koronavirus tarqalishining oldini olish maqsadida qo‘shni Eron bilan chegarani yopgan edi.
Qayd qilish joizki, Turkmaniston hukumati xabariga ko‘ra, mamlakatda COVID-19 bilan xastalangan bemorlar yo‘q.
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
