Kongoda 271 yo‘lovchi bo‘lgan kema cho‘kib ketdi

Kongo Demokratik Respublikasida 271 yo‘lovchi bo‘lgan kema cho‘kib ketdi. Bu haqda mamlakat ichki ishlar, xavfsizlik va an’anaviy huquq vaziri Jakman Shabani ma’lum qildi.

Kamida 271 kishi bo‘lgan HB la Saintet kemasi mamlakat shimolidagi Bolobo viloyatidagi Lediba qishlog‘i yaqinida cho‘kib ketdi. U Mushidan Kinshasaga ketayotgan edi. Mamlakat hukumati voqea joyiga tergov guruhi va qutqaruvchilarni yuborgan.

Vazirning so‘zlariga ko‘ra, HB la Saintet bortida bo‘lgan odamlarning taqdiri noma’lum. Hodisa Kongoning irmog‘i Kva daryosida sodir bo‘lgan.