Fransiyalik Jan-Jak Saven Atlantika okeani bo‘ylab dvigatelsiz, yelkan va eshkaklarsiz bochkada sayohatini boshladi.
Bir necha kundan 72 yoshini nishonlaydigan qariya o‘z sayohatini Kanar orollari tarkibiga kiruvchi El Yerro orolidan boshlagan. Sayyoh Karib orollariga 3 oydan keyin, ya’ni 2019 yil martigacha yetib borishni mo‘ljallamoqda.
Fransuz sayohatga otlangan bochkaning uzunligi 3 metrni, diametri 2 metrni, og‘irligi 450 kgni tashkil qiladi. U epoksid ko‘p qatlamli fanerdan ishlanib, zarg‘aldoq rangga bo‘yalgan. Bochkaning ichidagi 6 kvadrat metrlik joyda uxlash uchun kushetka, oshxona burchak mebeli, qarta uchun stol, buyumlar uchun joy, polda esa baliqlarni kuzatish uchun illyuminator bor.
Qariyaning aytishicha, uning sayohati ko‘ngildagidek boshlandi, kapsula soatiga 2-3 km tezlik bilan suzmoqda. Savenning aytishicha, u Yangi yilni nishonlash uchun o‘zi bilan Sauternes vinosi va fua-gra, 14 yanvarda esa 72 yoshini nishonlash uchun bordo vinosini olgan.
Sayyoh dengiz oqimi uni Karib orollari yoki Barbados oroliga olib borishiga umid qilmoqda. Biroq u sayohatini Martinika yoki Gvadelupa fransuz orollarida yakunlashni istamoqda.
Bu vaziyatda hujjatlar bilan yengilroq va bochkani tashish osonroq bo‘ladi , deb aytgan qariya.
Manba: kun.uz
Texas ko‘lida 2 metrlik mahluq qo‘lga tushdi, bu jahon rekordi bo‘lishi mumkin
Ukrainaliklar qozog‘istonlik yollanma jangchilarning nomlarini e’lon qildi. Qozog‘istonda sarosima boshlandi
Chempionlarimiz avtomobil bilan taqdirlanadi
