Франциялик Жан-Жак Савен Атлантика океани бўйлаб двигателсиз, елкан ва эшкакларсиз бочкада саёҳатини бошлади.
Бир неча кундан 72 ёшини нишонлайдиган қария ўз саёҳатини Канар ороллари таркибига кирувчи Эль Йерро оролидан бошлаган. Сайёҳ Кариб оролларига 3 ойдан кейин, яъни 2019 йил мартигача етиб боришни мўлжалламоқда.
Француз саёҳатга отланган бочканинг узунлиги 3 метрни, диаметри 2 метрни, оғирлиги 450 кгни ташкил қилади. У эпоксид кўп қатламли фанердан ишланиб, зарғалдоқ рангга бўялган. Бочканинг ичидаги 6 квадрат метрлик жойда ухлаш учун кушетка, ошхона бурчак мебели, қарта учун стол, буюмлар учун жой, полда эса балиқларни кузатиш учун иллюминатор бор.
Қариянинг айтишича, унинг саёҳати кўнгилдагидек бошланди, капсула соатига 2-3 км тезлик билан сузмоқда. Савеннинг айтишича, у Янги йилни нишонлаш учун ўзи билан Sauternes виноси ва фуа-гра, 14 январда эса 72 ёшини нишонлаш учун бордо виносини олган.
Сайёҳ денгиз оқими уни Кариб ороллари ёки Барбадос оролига олиб боришига умид қилмоқда. Бироқ у саёҳатини Мартиника ёки Гваделупа француз оролларида якунлашни истамоқда.
Бу вазиятда ҳужжатлар билан енгилроқ ва бочкани ташиш осонроқ бўлади , деб айтган қария.
Manba: kun.uz
Техас кўлида 2 метрлик маҳлуқ қўлга тушди, бу жаҳон рекорди бўлиши мумкин
Украиналиклар қозоғистонлик ёлланма жангчиларнинг номларини эълон қилди. Қозоғистонда саросима бошланди
Чемпионларимиз автомобил билан тақдирланади
