Kanada Bosh vaziri Mark Karni bugun, 24 avgust kuni Kiyevga birinchi tashrifi chog‘ida Ukrainaga dronlar, o‘q-dorilar va zirhli texnikalar yetkazib berish uchun 1 milliard dollar ajratilishini ma’lum qildi
Mark Karni bu haqda bugun Kiyevda o‘tkazilgan Ukraina Mustaqilligi kuni tadbirlari chog‘ida e’lon qildi.
Kanada hukumati rahbarining so‘zlariga ko‘ra bu qurollar sentyabr oyida Ukrainaga yetkaziladi.
"Katta yettilik"ning iyun oyidagi sammitida Kanada qo‘shimcha 2 mlrd dollar harbiy yordam va’da qildi. Bugun men faxr bilan e’lon qilamanki, ushbu mablag‘ning 1 milliarddan ortig‘i kelgusi oyda yetib keladigan dronlar, o‘q-dorilar va zirhli texnikalarni yetkazib berish orqali asosiy qurollaringizni kuchaytirishga yo‘naltiriladi. Shuningdek, biz shoshilinch tibbiy yordam, bomba boshpanalarini yaratish, Ukrainada mahalliy demokratiyani kuchaytirish, jumladan, kiberhujumlarga qarshi kurashish uchun o‘nlab millionlarni taqdim etamiz," - dedi u.
