Kambodja chegarasida halok bo‘lgan Tailand askarlari soni ortib bormoqda

Kambodja bilan chegaradagi mojaroda halok bo‘lgan Tailand harbiylari soni 19 nafardan 21 nafarga ko‘tarildi.

Tailand qirollik armiyasi 17 dekabr kuni Sisaket va Sakeu provinsiyalaridagi janglarda ikki askar halok bo‘lganini ma’lum qilgan.

7 dekabr kuni o‘q otish bo‘yicha to‘qnashuvlar boshlandi. Tailand armiyasi 8 dekabr kuni Kambodja qo‘shinlari chegara hududidagi o‘z pozisiyalariga artilleriyadan o‘t ochgani haqida xabar berdi. Bunga javoban Tailand havo kuchlari Kambodja harbiy infratuzilmasiga hujum qildi.

Kambodja qurbonlar haqida ma’lumot bermadi, ammo Tailand to‘qnashuvlarda 200 dan ortiq kambodja askari halok bo‘lganini da’vo qilmoqda. Kambodja axborot vaziri Net Pxeaktra 15 nafar tinch aholining o‘limi haqida xabar berdi.