Kaliforniyada ikkita kichik samolyot to‘qnashib ketdi

Kaliforniyaning Uotsonvill shahrida ikkita kichik samolyotning to‘qnashuvi oqibatida bir necha kishi halok bo‘ldi.

“Qo‘nayotgan ikki samolyot to‘qnashuvidan so‘ng favqulodda xizmatlar Uotsonvill shahar aeroportiga jo‘nab ketdi”, — deb yozadi “RIA Novosti” shahar hokimiyatining Twitter'dagi xabariga tayanib.

Hodisa oqibatida bir necha kishi halok bo‘lgani aytilmoqda.

26 iyun kuni San-Pauluda noma’lum rusumdagi yengil samolyot halokatga uchragandi. Hodisa oqibatida bortdagi uch kishi halok bo‘lgan.