Kabulda mehmonxonada portlashda kamida 7 kishi halok bo‘ldi

Afg‘oniston poytaxti Kabuldagi mehmonxonadagi portlashda kamida 7 kishi halok bo‘ldi, bir nechta odamlar jarohatlandi.

Report agentligiga ko‘ra, Reuters ma’lumoti asosida, portlash markaziy Kabulning yaxshi qo‘riqlanadigan tumanidagi mehmonxonada sodir bo‘lgan.

Kabul polisiyasi matbuot kotibi Xalid Zadranning aytishicha, mehmonxona Shahr-e-Nau tumanida joylashgan bo‘lib, bu yerda yirik ofis binolari, savdo markazlari va elchixonalar bor. Bu hudud poytaxtda eng xavfsiz sanaladi.

EMERGENCY gumanitar guruhi direktori Deyan Panichning xabar berishicha, "hozircha 20 kishi shifoxonaga olib kelindi. Jarohatlanganlar orasida 4 ayol va bir bola bor".

Portlashning aniq sababi hozircha ma’lum emas. Hokimiyatlar tergov olib borishini bildirishdi.