Jizzaxda 41 yoshli o‘ta xavfli residevist voyaga yetmagan o‘smirni urib, qo‘rqitib, unga tan jarohati yetkazgan, deb xabar qildi O‘zbekiston IIV huzuridagi Tergov departamenti axborot xizmati ma’lum qildi.
Ma’lum qilinishicha, ushbu hodisa yuz berganligi to‘g‘risida jabrlanuvchining otasi 2019 yilning 24 dekabr kuni Zafarobod tumani IIB bo‘limiga shikoyat qilgan.
Hodisaga ko‘ra, 2002 yilda tug‘ilgan R.N. Do‘stlik ko‘chasi bo‘ylab ketayotganda, noma’lum shaxs uni ushlab olib, qo‘rqitadi va urib tan jarohati yetkazadi. Jabrlanuvchining yonida bo‘lgan bahosi 900 ming so‘mlik "Samsung" rusumli uyali telefon apparatini tortib olib, hodisa joyidan yashirinadi.
Olib borilgan tezkor-qidiruv tadbirlari natijasida, ushbu jinoyatni sud tomonidan o‘ta xavfli residivist deb topilgan 41 yoshli S.B. sodir etganligi aniqlangan. Jabrlanuvchi uch nafar jinoyatchilar orasida uni tanib olgan.
Mazkur holat yuzasidan S.B.ga nisbatan Jinoyat kodeksining 166-moddasi 4-qismi "b" bandi (o‘ta xavfli residivist tomonidan sodir etilgan talonchilik) bilan jinoyat ishi qo‘zg‘atilib, qamoqqa olish tarzidagi ehtiyot chorasi qo‘llanilgan.
Ayni damda dastlabki tergov harakatlari davom ettirilmoqda.
O‘zbekiston tibbiyoti og‘ir judolikka uchradi
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
