Jizzaxda noqonuniy inshoot majburiy tartibda buzildi

Fuqaro tomonidan o‘zboshimchalik bilan qurilgan mazkur inshootlar sud qarori bilan javobgarlar hisobidan buzilishi belgilangan.

Mazkur sud hujjati Byuroning Jizzax shaxar bo‘limi ish yurituviga kelib tushgan.

Ijro harakatlari jarayonida qarzdorlarga barcha tegishli ogohlantirishlar berildi. Shundan so‘ng, xolislar va mutasaddi tashkilotlar vakillari ishtirokida buzish ishlari belgilangan tartibda amalga oshirildi.

Majburiy ijro byurosi tomonidan noqonuniy qurilmalarni buzish bo‘yicha ishlar qat’iy davom ettiriladi. O‘zboshimchalik bilan qurilish qilmang, aks holda jiddiy oqibatlarga duch kelishingiz mumkin!