Jey Di Vens Daniya va Grenlandiya rasmiylari bilan uchrashadi

AQSh vise prezidenti Grenlandiya masalasini muhokama qilish uchun Daniya va Grenlandiya rasmiylari bilan uchrashadi, deb yozmoqda Associated Press.

Agentlikning xabar berishicha, Qo‘shma Shtatlar vise-prezidenti Jey Di Vens chorshanba kuni Vashingtonda Daniya tashqi ishlar vaziri Lars Lyokke Rasmussen hamda Grenlandiya tashqi ishlar vaziri vazifasini bajaruvchi Vivian Motzfeldt bilan uchrashadi.

Uchrashuvda Qo‘shma Shtatlarning NATO bo‘yicha ittifoqchisi bo‘lgan Daniyaga qarashli yarim avtonom hudud — Grenlandiya bilan bog‘liq masalalar muhokama qilinadi.