Xabarlarga ko‘ra, Shveysariyaning Jeneva ko‘chalariga qo‘shni Fransiyaning Evian-le-Ben shahrida 15-17 iyun kunlari bo‘lib o‘tadigan G7 sammitiga qarshi norozilik bildirib, minglab namoyishchilar chiqdi.
G7'ga raislik qilayotgan Fransiya o‘z hududida norozilik namoyishlariga yo‘l qo‘ymaslikni istagani sababli tashkilotchilar namoyishlarni Shveysariyada ro‘yxatdan o‘tkazishga majbur bo‘lishdi.
Polisiya vakillarining ma’lum qilishicha, yurish boshida qatnashchilar soni 7 000 ga yetgan, keyinroq AFP jurnalistlari 15 000 ga yaqin namoyishchini sanashgan.
Namoyishchilar Tesla avtomobiliga o‘t qo‘yishgan va banklardan birining derazalarini sindirishgan.
Aksiya ishtirokchilarining ba’zilari o‘zlari bilan "Katta yettilik"ka va barcha imperialistik ittifoqlarga yo‘q deyilsin!" hamda "Katta yettilik" bekor qilinsin" degan shiorlar yozilgan plakatlarni olib chiqishgan. Shuningdek, falastinliklarni qo‘llab-quvvatlash, iqlim o‘zgarishiga qarshi kurash, feminizm va antikapitalistik kayfiyatdagi bayonotlar ham yangragan.
Shahar bo‘ylab yuzlab tadbirkorlar va mehmonxona egalari xavfsizlik maqsadida bir necha kun oldin vitrina va derazalarni faner qalqonlar bilan yopib qo‘yishgan edi. Namoyish o‘tayotgan hudud tepasida vertolyotlar nazorat olib bordi, biroq polisiya sodir bo‘layotgan voqealarga asosan aralashmadi, deyiladi xabarlarda.
O‘zbekiston — Kolumbiya o‘yini uchun chiptalar sotuvi rekord darajaga chiqdi
AQShda ham to‘y qilayotganlar aqldan ozmoqda
So‘nggi 140 yildagi eng kuchli El-Nino hodisasi yaqinlashmoqda. Bu butun dunyodagi ob-havoga ta’sir qilishi mumkin
