Janubiy Koreya 1950–1953 yillardagi Koreya urushi paytida Shimoliy Koreya safida halok bo‘lgan 30 nafar xitoylik askarning qoldiqlarini Xitoyga topshirdi. Bu haqda «Sinxua» axborot agentligi xabar berdi.
Xitoy Xalq Ko‘ngilli Armiyasi askarlarining qoldiqlari shaxsiy buyumlari bilan birga harbiy transport samolyotida mamlakat shimoli-sharqidagi Lyaonin provinsiyasi markazi Shenyan shahridagi Taosyan aeroportiga yetkazilgan.
Ma’lumotlarga ko‘ra, 2014 yildan buyon Koreya urushida halok bo‘lgan 1011 nafar xitoylik askar jasadi o‘z vataniga qaytarilgan.
Eslatib o‘tamiz, Xitoy 1950–1953 yillarda Shimoliy Koreyani qo‘llab-quvvatlab, Janubiy Koreya safida jang qilgan AQSh boshchiligidagi BMT kuchlariga qarshi chiqqan edi.
Nikolay Valuyevga nisbatan qidiruv e’lon qilindi
BMTda Falastinga doir muhim hujjat qabul qilindi. Qaysi davlatlar qarshi ovoz bergani ma’lum
O‘zbekistonga qaytayotgan bebaho meros
