Jahon bozorida kakao narxi olti oy ketma-ket oshdi

O‘tgan oyda jahon bozorida kakao narxi 25,5 foizga oshib, bir tonnasi 6771 dollarga yetdi. Shu bilan kakao narxi oltinchi oy ketma-ket o‘sdi. Bunga asosiy sabablar «El-Ninyo» tabiiy hodisasining ta’siri va G‘arbiy Afrikadan kakao yetkazib berish qisqarishi mumkinligi haqidagi xavotirlar bo‘ldi.

Geosiyosiy va iqlim xavflari xomashyo bozorlarida taklif bilan bog‘liq xavotirlarni kuchaytirdi. Jumladan, o‘tgan oyda Chikago tovar birjasida bug‘doy narxi 21 foizga, makkajo‘xori 16 foizga, soya 8,5 foizga, guruch esa 9,2 foizga qimmatladi. Intercontinental Exchange birjasida shakar va paxta narxi mos ravishda 21,5 va 13,9 foizga oshdi.

Intesa Sanpaolo bankining xomashyo bozorlari bo‘yicha katta iqtisodchisi Daniela Korsini «Anadolu» agentligi muxbiriga bergan intervyusida kakao narxining o‘sishi Yaqin Sharqdagi urush tufayli energiya xarajatlarining oshishi, iqlim o‘zgarishi oqibatlari va «El-Ninyo» bilan bog‘liq rekord darajadagi haroratlar bilan izohlanganini aytdi.