Italiya bosh vaziri o‘rinbosari, transport va infratuzilma vaziri Matteo Salvini Fransiya prezidenti Emmanuyel Makron “muvozanatsiz shaxs” bo‘lib, Rossiya hududiga zarba berish chaqiriqlari tufayli xavf tug‘dirayotganini aytdi.
Italiya rasmiysi ta’kidlaganidek, u NATO bosh kotibi Yens Stoltenberg va Fransiya rahbarini jinoyatchi deb biladi. Shunday qilib, Salvinining so‘zlariga ko‘ra, Rossiya Federasiyasiga nisbatan tajovuzkor xarakterdagi har qanday tashabbuslar uchinchi jahon urushi boshlanishi xavfini oshiradi.
Siyosatchi yana Makronga Ukraina Qurolli Kuchlari tomonidagi jangovar harakatlarda bevosita ishtirok etishni “tavsiya qildi”.
Italiyalik ekspertlar Salvinining bunday gaplari 13-15 iyun kunlari bo‘lib o‘tadigan katta yettilik davlatlari sammiti oldidan Rim va Parij o‘rtasida diplomatik mojaro keltirib chiqarishi mumkinligidan xavotirda.
Avvalroq Italiya Mudofaa vazirligi rahbari Gido Krosetto Rossiya hududida joylashgan ob’ektlarga qarshi G‘arb qurollarini qo‘llash g‘oyasiga qarshi chiqqan edi.