Apple o‘z mahsulotlarining himoyasiga jiddiy qaraydi, ayniqsa, ayfonlar muhofazasi kompaniyaning nufuzi uchun o‘ta ahamiyatlidir. Biroq Cellebrite kompaniyasi ularning ham himoyasini buzib keiradigan gadjet yarata oldi.
Isroilning ushbu kompaniyasi uyali telefonlar va boshqa turdagi mobil qurilmalardan ma’lumotlar olish, uzatish va tahlil etishga ixtisoslashgan. Uning yangi gadjeti Universal Forensic Extraction Device (UFED) deb nomlanadi. Ushbu devays istalgan iPhone va Android-smartfonning himoyasini chetlab o‘tib, blokdan chiqara oladi.
Dasturchilarning ta’kidlashicha, UFED kupertinolik korporasiyaning iOS 7 dan to iOS 12.3 gacha talqinida ishlovchi har qanday ayfonining himoyasini buzishga qodir. Unda qo‘llangan texnologiya smartfondagi «chet ilovalar ma’lumotlariga, messenjerlardagi yozishmalarga, elektron pochtadagi xatlar va tirkama fayllarga, masofadagi kontentga va ko‘plab boshqa narsalarga» kirish imkonini beradi.
UFED huquqni himoya qiluvchi idoralar, maxsus xizmatlar, harbiylar uchun asqotishi mumkin. Aytish kerakki, 2016 yili San-Bernardinoda terrorchilik hujumini uyushtirgan Said Farruxning iPhone’ini blokdan chiqarishda AQSh Federal qidiruv byurosiga ayni shu Cellebrite kompaniyasi yordam bergan.
Nokia 3210 telefoni qayta chiqarilishi mumkin
Xitoy may oyining boshida «Chan’e-6» oy zondini uchiradi
Mutaxassis smartfonning ichkariga suv va chang tushishidan himoyasini qanday baholashni aytib berdi
