Isroilda hantavirus bilan kasallanishning ilk holati aniqlandi

Bemor bir necha oy oldin Sharqiy Yevropaga sayohat qilgan va kasallikni o‘sha yerda yuqtirib olgan bo‘lishi mumkin.

Aniqlangan virus shtammi MV Hondius kruiz laynerida avj olgan shtammdan farqlanishi aytilmoqda.

Rasmiylar hozircha bemor qaysi shaharda yashayotgani va qaysi tibbiyot markazida infeksiya aniqlangani haqida ma’lumot bermagan.

Bemor o‘zida alomatlar paydo bo‘lgandan so‘ng tibbiy yordamga murojaat qilgan. Dastlab shifokorlar antitanachalar testini o‘tkazishdi - ular hantavirus ta’sirini ko‘rsatdi; keyinchalik PZR testi infeksiyani tasdiqladi.

Nashr ma’lumotlariga ko‘ra, bemor shifokorlar nazorati ostida barqaror holatda bo‘lib, intensiv terapiya yoki qat’iy izolyasiyaga muhtoj emas.