Isroil ommaviy axborot vositalarining xabar berishicha, Kafr Aqab tumani deyarli to‘liq izolyasiya qilingan: yo‘llar yopilgan, suv va elektr ta’minoti izdan chiqqan, minglab o‘quvchilar maktabga bora olmayapti.
Reydlar doirasida Isroil kuch tuzilmalari og‘ir texnikani kiritish uchun ajratuvchi devorning bir qismini demontaj qilgan va devorga yaqin joylashgan binolarni buzishga kirishgan. Haaretz ma’lumotlariga ko‘ra, allaqachon o‘nlab inshootlar vayron qilingan, boshqa binolar egalari esa buzish to‘g‘risidagi ogohlantirishlarni olgan.
Kuch tuzilmalari harakatlari tufayli tumanda yo‘llar yopilgan, natijada dushanba kunidan boshlab aksariyat maktablarda darslar bekor qilingan.
Isroil matbuoti va jamoatchilik tashkilotlari polisiya tomonidan turar joy massivlarida yorug‘lik-shovqinli granatalar va rezina o‘qlardan foydalanilgani haqida ham xabar bergan.
Kafr Aqab — Sharqiy Quddusdagi eng shimoliy arab-falastin tumani. 1967 yilgi urushdan so‘ng Isroil ushbu hududni Quddus munisipaliteti yurisdiksiyasiga kiritgan, biroq u shaharning qolgan qismidan devor bilan ajralgan va amalda shahar infratuzilmasidan izolyasiya qilingan.
Odilxon qori Yunusxon o‘g‘li sud zalida hibsga olindi
Aholini ro‘yxatga olish savolnomasini xato to‘ldirganlarga ogohlantirish yuborilmoqda
Nikolay Valuyev: "Markaziy Osiyo davlatlariga hech qachon tahdid qilmaganman"
