Isroil G‘azodagi lagerga zarba berdi, 7 kishi halok bo‘ldi

Isroil armiyasi G‘azo shahrining g‘arbiy qismidagi ko‘chirilganlar lageriga havo hujumi uyushtirdi, natijada kamida yetti nafar tinch aholi, jumladan, bolalar halok bo‘ldi. Bu haqda Falastinning WAFA axborot agentligi xabar bermoqda.

Agentlik ma’lumotlariga ko‘ra, Isroil qiruvchi samolyotlari ko‘chirilganlar boshpana olayotgan G‘azo portida joylashgan lagerga hujum qilgan. Zarba ko‘plab qon to‘kilishiga olib keldi: o‘lganlardan tashqari, ko‘pchilik yaralangan.

Shuningdek, Isroil harbiy kemalari shaharning g‘arbiy qismi qirg‘oqlarida baliqchilarga qarata o‘q uzgani ma’lum qilingan. Ushbu hodisada qurbonlar haqida hozircha ma’lumot yo‘q.

Kun boshidan buyon Isroilning G‘azoning turli hududlariga uyushtirgan hujumlari natijasida allaqachon 62 kishi halok bo‘ldi.