Isroil armiyasi Livandagi operasiyasini kengaytirmoqda

Isroil Mudofaa Kuchlari strategik hududlarni himoya qilish uchun Livan janubidagi harbiy operasiyasini kengaytirmoqda.

Bosh vazir Benyamin Netanyaxu bu haqda xavfsizlik kabineti yig‘ilishida e’lon qildi.

"Mening ko‘rsatmalarimga muvofiq, biz Livandagi operasiyani kengaytirmoqdamiz. Isroil armiyasi yerga katta kuchlarni joylashtirmoqda va strategik hududlarni egallab olmoqda. Biz Isroil shimolidagi jamoalarni himoya qilish uchun xavfsizlik zonasini mustahkamlamoqdamiz", dedi Netanyaxu.

28 fevral kuni AQSh va Isroil Eronga qarshi harbiy operasiya boshladilar va bir nechta shaharlarga hujum qilishdi. Operasiya Yaqin Sharqda vaziyatning keskinlashishiga, Fors ko‘rfazi mamlakatlarini mojaroga jalb qilishga va Hormuz bo‘g‘ozini to‘sib qo‘yishga olib keldi.

Livanning "Hizbulloh" guruhi Eron tomonida urushga kirib, Isroilga raketalar va dronlar otgandan so‘ng, Isroil Mudofaa Kuchlari Livan janubi va guruh infratuzilmasi joylashgan Bayrutning janubiy chekkalariga hujumlar uyushtirdi. Isroil shuningdek, Livan janubidagi quruqlikdagi operasiyasini kengaytirdi.

16 aprel kuni AQSh prezidenti Donald Tramp Isroil va Livan 10 kunlik sulhga kelishib olganini, bu sulh Sharqiy vaqt bilan soat 17:00 da kuchga kirishini e’lon qildi. 24 aprel kuni u sulh uch haftaga uzaytirilishini e’lon qildi.