Исроил армияси Ливандаги операциясини кенгайтирмоқда

Исроил Мудофаа Кучлари стратегик ҳудудларни ҳимоя қилиш учун Ливан жанубидаги ҳарбий операциясини кенгайтирмоқда.

Бош вазир Беньямин Нетаньяху бу ҳақда хавфсизлик кабинети йиғилишида эълон қилди.

"Менинг кўрсатмаларимга мувофиқ, биз Ливандаги операцияни кенгайтирмоқдамиз. Исроил армияси ерга катта кучларни жойлаштирмоқда ва стратегик ҳудудларни эгаллаб олмоқда. Биз Исроил шимолидаги жамоаларни ҳимоя қилиш учун хавфсизлик зонасини мустаҳкамламоқдамиз", деди Нетаньяху.

28 февраль куни АҚШ ва Исроил Эронга қарши ҳарбий операция бошладилар ва бир нечта шаҳарларга ҳужум қилишди. Операция Яқин Шарқда вазиятнинг кескинлашишига, Форс кўрфази мамлакатларини можарога жалб қилишга ва Ҳормуз бўғозини тўсиб қўйишга олиб келди.

Ливаннинг "Ҳизбуллоҳ" гуруҳи Эрон томонида урушга кириб, Исроилга ракеталар ва дронлар отгандан сўнг, Исроил Мудофаа Кучлари Ливан жануби ва гуруҳ инфратузилмаси жойлашган Байрутнинг жанубий чеккаларига ҳужумлар уюштирди. Исроил шунингдек, Ливан жанубидаги қуруқликдаги операциясини кенгайтирди.

16 апрель куни АҚШ президенти Дональд Трамп Исроил ва Ливан 10 кунлик сулҳга келишиб олганини, бу сулҳ Шарқий вақт билан соат 17:00 да кучга киришини эълон қилди. 24 апрель куни у сулҳ уч ҳафтага узайтирилишини эълон қилди.