Isroil armiyasi G‘azodagi jangda yaralangan askar halok bo‘lgani haqida xabar berdi

Isroil armiyasi 2024 yil iyun oyida G‘azo sektoridagi jangda yaralangan askarlaridan biri halok bo‘lganini e’lon qildi.

Bu haqda armiya matbuot xizmati bayonotida aytilgan.

Departament ma’lumotlariga ko‘ra, 8-brigadada xizmat qilgan 28 yoshli zahiradagi serjant Nir Hadad 15 iyun kuni G‘azo sektori shimolidagi jangda olgan og‘ir jarohatlari tufayli bugun vafot etgan.

Armiya shuningdek, 6 oktyabr kuni G‘azo sektori shimolidagi to‘qnashuvlarda yana uch askar og‘ir yaralangani haqida xabar berdi. Ularning barchasi kasalxonaga yotqizilgan.