Bu haqda Al Jazeera xabar bermoqda.
Isroil Mudofaa vazirligi "Lockheed Martin" va "Boeing" kompaniyalaridan ikkita yangi qiruvchi eskadrilya sotib olish rejasini ma’qulladi.
Bunda Lockheed Martin kompaniyasidan F-35I qiruvchi samolyotlarining to‘rtinchi eskadrilyasini va Boeing kompaniyasidan F-15IA qiruvchi samolyotlarining ikkinchi eskadrilyasini sotib olinadi. Bitimlar qiymati o‘nlab milliardga baholanmoqda.
Milliardlab dollarlik ushbu kelishuv doirasida Isroil armiyasining qurol-yarog‘ omboriga zamonaviy F-35 va F-15IA qiruvchi samolyotlari qo‘shiladi.
Yaqin yillarda Isroil Harbiy-havo kuchlarining F-35i floti soni 100 ta samolyotga, ilg‘or F-15EXning Isroil varianti bo‘lgan F-15IA floti esa 50 taga yetkaziladi.
Hozirda Isroil 50 ta samolyotga dastlabki buyurtmadan so‘ng 48 ta F-35I qiruvchi samolyotiga ega. 2023 yilda yana 25 ta F-35 samolyotiga buyurtma berilgan bo‘lib, ularning yetkazib berilishi 2028 yilda boshlanishi kutilmoqda. Isroil 2024 yilda 25 ta F-15IA qiruvchi samolyotlariga buyurtma berdi va ularning birinchisi 2031 yilda yetkazib berilishi kutilmoqda.
