Ispaniyadagi yirik kokain operasiyasidan so‘ng Turkiya faol harakatlarga o‘tdi

Xalqaro suvlarda Ispaniya xavfsizlik kuchlari tomonidan o‘tkazilgan yirik kokain operasiyasiga Turkiya ham qo‘shildi.

Report xabariga ko‘ra, bu haqda Turkiya ichki ishlar vaziri Ali Yerlikaya X ijtimoiy tarmog‘ida ma’lum qildi.

Ispaniya tomonidan 13 nafar ekipaj a’zosi qo‘lga olinganidan so‘ng, Istanbul, Mersin, Tekirdag‘, Kodjaeli, Sakarya va Xatay viloyatlarida bir vaqtning o‘zida o‘tkazilgan operasiyalar davomida 7 nafar gumonlanuvchi hibsga olindi.

Eslatib o‘tamiz, 12 yanvar kuni Ispaniya tomonidan ushlangan ekipaj tarkibida 4 nafar Turkiya fuqarosi, 1 serb, 1 vengr va 7 nafar Hindiston fuqarosi bo‘lgan. Atlantika okeanida to‘xtatilgan kemada tuz yuki orasiga yashirilgan taxminan 10 tonna kokain topilgan.