Ispaniya polisiyasi Seutada iyul oyi oxiridan beri yashab kelayotgan minglab afrikalik muhojirlar joylashgan vaqtinchalik lagerni tarqatdi.
Operasiya davomida 1000 dan ortiq muhojir qabul markazlariga olib borildi. Unda 350 dan ziyod polisiya va harbiy xizmatchi, jumladan maxsus bo‘linmalar ishtirok etdi. Razvedka dronlaridan ham foydalanildi.
El-Trampolin sohilidagi lagerda sanitariya sharoiti og‘ir bo‘lgani, janjallar yuz bergani va hamrohsiz voyaga yetmagan qizlarga nisbatan zo‘ravonlik holatlari haqida xabarlar tarqalgan.
Ma’lumotlarga ko‘ra, lagerda taxminan 3500 muhojir yashagan. 1000 dan ortiq kishi Taraxal chegara punktiga olib borilib, keyin qabul markazlariga taqsimlangan. Yuzlab marokashliklar esa o‘z xohishi bilan vataniga qaytgan.
Operasiyadan to‘qqiz kun o‘tib Ispaniya qiroli Felipe VI va qirolicha Letisiya Seutaga tashrif buyuradi. Mahalliy OAV bu ikki voqeaning vaqt jihatidan yaqinligiga e’tibor qaratgan.
Biroq lagerni tarqatish operasiyasi qirollik oilasi tashrifi sababli o‘tkazilganini tasdiqlovchi ishonchli ma’lumot hozircha yo‘q.
Ispaniya polisiyasi avval ham vaqtinchalik muhojirlar lagerlarini tarqatish bo‘yicha shunday operasiyalar o‘tkazgan.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Nega aynan Erkinjon Turdimov? Bu qaror ortida qanday omillar turibdi?
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
