Ispaniya issiqlikdan himoyalanish milliy tarmog‘ini ishga tushirmoqchi

Ispaniya Bosh vaziri Pedro Sanches mamlakatdagi jamoat binolari asosida milliy iqlim panagohlari tarmog‘ini ishga tushirishini e’lon qildi, deb xabar berdi BBC.

Loyiha kelgusi yozning boshiga qadar amalga oshiriladi va ortib borayotgan anomal issiqdan himoyalanish uchun ishga tushiriladi.

Sanchesning so‘zlariga ko‘ra, halokatli qurg‘oqchilik va haddan tashqari yuqori harorat endi kam uchraydigan holat emas. Yozda qisqa muddatli issiqlik to‘lqinlari o‘rniga iyundan avgustgacha uzoq davom etadigan harorat anomaliyalari tobora keng tarqalgan.

Iqlim panagohlari dam olish joylari, kondisioner va bepul ichimlik suvi bo‘lgan binolar bo‘ladi. Ular asosan surunkali kasalliklarga chalingan odamlar, qariyalar, go‘daklar, shuningdek, issiqlikka chidamsiz moliyaviy imkoniyatlari cheklangan guruhlar uchun mo‘ljallangan.

AEMET davlat meteorologiya agentligi ma’lumotlariga ko‘ra, Ispaniyada bu yoz kuzatuv tarixidagi eng issiq yoz bo‘ldi. Mamlakatda uchta issiqlik to‘lqini bo‘lgan, ulardan biri 16 kun davom etgan va harorat 45 darajadan oshgan.