Islandiya YEIga a’zo bo‘lish bo‘yicha referendumni tezlashtirishi mumkin

Islandiya Yevropa Ittifoqiga kirish jarayonini tezlashtirish va imkon qadar tezroq referendum o‘tkazishni istamoqda.

"Islandiya Yevroittifoqqa a’zolik bo‘yicha muzokaralarni qayta tiklash masalasida ovoz berishni shu yilning avgust oyidayoq o‘tkazish imkoniyatini ko‘rib chiqmoqda... Reykyavikdagi hukmron koalisiya muzokaralarni qayta tiklash bo‘yicha referendumni 2027 yilgacha o‘tkazishga va’da bergan edi", — deb yozadi Politico o‘z manbalariga tayanib.

Qayd etilishicha, mahalliy parlament yaqin haftalarda ovoz berish sanasini e’lon qiladi. Agar islandiyaliklar "ha" deb ovoz berishsa, ular YEIga boshqa nomzod mamlakatlardan oldinroq kirishlari mumkin.