Milanning “Inter” klubi futbolchilaridan 2 oylik maoshdan voz kechish so‘raldi. Bu haqda Sky Sport Italia xabar qilmoqda.
Bu haqda jamoa prezidenti Stiven Chjan o‘yinchilar bilan o‘tkazilgan uchrashuvda ma’lum qildi. Ayni paytda klub koronavirus pandemiyasi tufayli moliyaviy inqirozga uchragan. Bu masala bo‘yicha har bir futbolchi mustaqil qaror qabul qiladi.
Ma’lum qilinishicha, yaqin kunlarda sportchilar “Inter” rahbariyati bilan vaziyatni muhokama qilish uchun uchrashadi. Jamoaning bosh murabbiyi Antonio Konte uchrashuvga kelmadi. Mutaxassisdan ham maoshi pasayishiga rozi bo‘lish so‘ralgani haqida ma’lumot yo‘q.
Ma’lumot uchun, Italiya birinchiligining joriy mavsumida “Inter” 35 ta matchda 85 ochko to‘plab, muddatidan oldin mamlakat chempioni bo‘ldi.