Jakarta yaqinidagi Bekasi shahrida ikkita poyezd to‘qnashib ketishi natijasida kamida to‘rt kishi halok bo‘ldi va 38 kishi jarohatlandi. To‘qnashuv Bekasi temir yo‘l stansiyasida shahar atrofiga qatnovchi poyezd va uzoq masofaga harakatlanuvchi poyezd ishtirokida sodir bo‘lgan.
Indoneziya temir yo‘l kompaniyasi matbuot kotibi Enn Purbaning ma’lum qilishicha, uzoq masofaga harakatlanuvchi poyezdning barcha 240 nafar yo‘lovchisi xavfsiz joyda. Shahar atrofiga qatnovchi poyezdda qancha odam bo‘lgani va jarohatlangan yo‘lovchilarning aniq soni hozircha noma’lum.
Mamlakat parlamenti spikeri o‘rinbosari Sufmi Dasko Ahmad qurbonlar soni ortishi mumkinligini istisno qilmadi. Hozirda voqea joyida qutqaruvchilar va 20 ga yaqin tez yordam mashinasi ishlamoqda. Qutqaruvchilar vagonlar ichida qolib ketgan yo‘lovchilarni chiqarib olish uchun maxsus uskunalardan foydalanishyapti.
Jakarta polisiyasi boshlig‘i Asep Edi Suxerining so‘zlariga ko‘ra, hodisa sabablarini aniqlash bo‘yicha tergov ishlari davom etmoqda.
Abduqodir Husanov ota-onasiga 330 ming dollarlik villa sovg‘a qildi
Koreyada vafot etgan o‘zbekistonlik qiz haqida rasmiy bayonot berildi
Zo'r TV bugun «Barselona» va «Manchester Siti» ishtirokidagi o‘yinlarni jonli translyasiya qiladi
