Ichki xavfsizlik kuchlari Suriyaning Aleppo viloyatining Suriya demokratik kuchlari (SDF) tomonidan hujumga uchragan turli hududlarida tinch aholini evakuasiya qilish va ularning xavfsizligini ta’minlash ustida ishlamoqda.
SANA mintaqa ichki xavfsizlik kuchlari qo‘mondoni Muhammad Abdul G‘aniga tayanib xabar bermoqda.
Uning ta’kidlashicha, tinch aholi, shuningdek, davlat va xususiy mulkni himoya qilish uchun "xavfsizlik kuchlarining intensiv joylashtirilishi" amalga oshirilgan.
"Biz SDF hujumlaridan so‘ng tinch aholini evakuasiya qilish va ularning xavfsizligini ta’minlash ustida ishlamoqdamiz. Biz Halab xavfsizligiga tajovuz qilishga yoki uning aholisi xavfsizligiga tahdid solishga uringan har qanday shaxsni bu kabi harakatlarga qonun doirasida qat’iy chora ko‘rilishi haqida aniq ogohlantiramiz", - deya Abdul G‘anining so‘zlarini keltirgan agentlik.
Qo‘mondon bu kabi ishlar Shayx Maqsud va Ashrafiye tumanlarida davom etayotganiga ishora qilib, fuqarolarni mintaqada barqarorlikni saqlash uchun xavfsizlik kuchlari bilan hamkorlik qilishga chaqirdi.
Avvalroq Alepponing bir qancha mahallalariga SDF minomyotlari va raketalardan o‘qqa tutilishi natijasida ikki tinch aholi halok bo‘lgani xabar qilingandi. Mahalliy OAV ma’lumotlariga ko‘ra, keskinlashuv SDF kuchlarini Suriya armiyasiga qo‘shish bo‘yicha yuqori darajadagi muzokaralar chog‘ida ro‘y bergan, buning yakuniy muddati yaqinlashmoqda.
Rossiyaning “taslim bo‘lish” taklifi haqida ma’lum qilindi
Qobiljonni kim o‘ldirdi? Rossiyada sodir etilgan mudhish qotillikning asl aybdori aytildi
Rossiya darhol harbiy harakatlarni to‘xtatishga tayyor,
