"Hizbulloh" Isroil askarlariga 250 ta snaryad otdi

So‘nggi 24 soat ichida "Hizbulloh" Livandan taxminan 250 ta snaryad otgan.

Associated Press harbiy qoidalarga muvofiq ismini oshkor qilmaslik sharti bilan gapirgan Isroil harbiy amaldoriga tayanib xabar bermoqda.

Amaldorning ta’kidlashicha, snaryadlarning aksariyati Livan janubida faoliyat yuritayotgan Isroil askarlariga qaratilgan bo‘lib, ulardan faqat 23 tasi Isroil chegarasini kesib o‘tgan. Shimoliy Isroilda sirenalar doimiy ravishda chalinib, Hizbulloh va Erondan kelayotgan snaryadlar haqida ogohlantirmoqda.

Isroil harbiylari "Hizbulloh"ning raketa otishmalarida kamida to‘qqiz askar yaralanganini, ulardan ikkitasining ahvoli og‘ir ekanligini ma’lum qildi.