"Hizbulloh"ga qarshi jangda Isroilning ikki askari o‘ldi

Livan janubidagi janglar paytida ikki Isroil askari halok bo‘ldi.

Bu haqda Isroil armiyasi matbuot xizmati ma’lum qildi.

"Chegarada "Hizbulloh" bilan davom etayotgan to‘qnashuvlar ortidan Livan janubidagi janglar paytida ikki askar halok bo‘ldi", deyiladi bayonotda.

Bu Isroil va Livan o‘rtasidagi yangilangan keskinlashuv boshlanganidan beri Isroil askarlari orasida halok bo‘lganlar sonini to‘rttaga yetkazdi. Ikki kishi 8 mart kuni halok bo‘ldi.

Agentlikning ta’kidlashicha, "Hizbulloh" va Isroil o‘rtasidagi mojaro AQSH-Isroil urushining eng qonli yon ta’siriga aylangan.

Isroil armiyasining Livandagi hujumi 1000 dan ortiq odamning hayotiga zomin bo‘ldi va 1 milliondan ortiq odamni uylarini tark etishga majbur qildi.