Hindistonda besh kishini o‘ldirgan bin Lodin laqabli fil ushlandi

Hindistonning Assam shtatida besh kishini o‘ldirgan fil ushlandi, deb xabar qildi RIA Novosti NDTV telekanaliga asosan.

Oktyabr oyida fil qishloqda besh kishini o‘ldirdi. Bir oy davomida qishloq aholisi uydan chiqishga qo‘rqishgan.

Filni ushlash operasiyasi dushanba kuni amalga oshirildi. Endi ushlangan fil tabiat qo‘riqxonasiga topshiriladi.

NDTV kanalining xabar berishicha, 2006 yilda "Al-Qoida" terrorchilik faoliyati kuchayishi munosabati bilan bin Lodin laqabini darg‘azab fillarga berish amaliyoti boshlandi.

Xususan, xuddi shu laqabli bitta fil o‘nlab odamlar umriga zomin bo‘lgandi, bu fil otib o‘ldirildi.

Statistikaga ko‘ra, so‘nggi besh yil ichida Hindistonda fillar hujumlaridan ikki mingdan ortiq kishi halok bo‘ldi. 2011 yildan beri fillar o‘limi soni 700 ga yetdi.