Isroil razvedka xizmati Mossadning rahbari Devid Barnea kelishuv tafsilotlarini, shu jumladan, HAMAS asirligidagi garovga olinganlarni ozod qilishni muhokama qilish uchun Qatarga bordi, deb aniqlik kiritdi The Times of Israel.
"Kelishuvga erishish uchun imkoniyat bor. HAMAS tomonidan ilgari surilgan taklif juda muhim jihatni o‘z ichiga oladi", — dedi Isroil muzokaralar guruhidagi manba Reuters'ga.
Isroil HAMASdan sulh kelishuvi bo‘yicha navbatdagi taklifni 3 iyul kuni olgan. Bu may oyi oxirida prezident Jo Bayden tomonidan taqdim etilgan AQSh rejasiga javob bo‘ldi. Taklif uch bosqichdan iborat. Birinchisi garovga olingan iroilliklar va falastinlik mahbuslarni almashishni, shuningdek, qisqa muddatli sulhni nazarda tutadi.
Falastin rasmiysi Reuters'ga HAMAS ba’zi nuqtalarda, agar Isroil buni ma’qullasa, qisman kelishuvga erishishga imkon beradigan "moslashuvchanlik namoyish etganini" aytgan.
Ukrainada 3000 qozoq halok bo‘ldi
Saudiya Arabistoni Tashqi ishlar vazirligi rahbari bugun qiziqarli bayonot berdi
Eron zarbasidan keyin Isroil havo kuchlari bazasining sun’iy yo‘ldosh tasvirlari e’lon qilindi
