Solihlarning birlaridan qanday tavba qilganlari haqida so‘raldi. U zot shunday javob berdilar: “Bir kuni gunohlarim, toatlarda kamchilika yo‘l qo‘yganim va o‘limim haqida o‘ylab qoldim. Qarasam, umrim tugab boryapti. Gunohlarim esa, ko‘payib boryapti. O‘limim ham yaqinlashib kelmoqda. Nafsim esa, tavbaga yuzlanmayapti. Ustimda tog‘lar ham ko‘tarolmaydigan balo turganini anglab yetdim. Ahvolim og‘irligini o‘ylab uyimdan chiqdim.
Yo‘lda bir tabibning yonidan o‘tib qoldim. Qarasam, bir to‘p odamlar uni o‘rab olib, dori solingan idishlarni unga uzatib, ularni ichish tartibini (reseptini) so‘rashayotgan ekan. Xullas, ularning yoniga borib to‘xtadim va boyagi tabibdan: “Ey qariya, sizda gunohlarning dorisi bormi?” deb so‘radim. Tabib bir muddat boshini quyi solib turdi-da, keyin boshini ko‘tarib: “Agar osiy Kimga isyon qilayotganini bilganda edi, ma’siyat qilishdan oldin erib ketgan bo‘lardi” dedi. Bu gaplarni eshitib, darhol uyimga qaytdim. Tabibning gapi qalbimga qattiq ta’sir qilgan edi. Mana, hozirgacha mana shu tavbamda sobit turib, Robbimning eshigi ostonasidan jilmadim”.
Manba: azon.uz
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Rossiya dunyodagi birinchi vodorod yoqilg‘ili avtomobilni taqdim qildi
Shoygu: NATO qo‘shinlari Rossiya chegaralariga yaqinlashmoqda
