Gonkong ommaviy namoyishlarni keltirib chiqargan ekstradisiya to‘g‘risidagi qonunga qo‘shimchalar kiritishni to‘xtatib turibdi.
«South China Morning Post» gazetasining xabar berishicha, bunday qarorga Xitoy rahbariyati yig‘ilishining natijasida kelingan.
- Bu qonun muayyan davlat qonun-qoidalarini buzgan shaxsni shu davlatga topshirishni ko‘zda tutadi. Gonkongdagi qonun loyihasi gumonlanuvchilarni Xitoyga ekstradisiya qilish huquqini beradi. Gonkongliklar shundan xavotirlanishayapti, namoyishchilar qonun ularning huquqlarini himoyalashni kafolatlamaydi deyishmoqda.
- Gonkongda yuz minglab odam so‘nggi haftada har kuni norozilik bildirib namoyishga chiqqan. Eng ommaviy namoyishda bir millionga yaqin odam ishtirok etgan.