Bundestag 2026 yilda deputatlarga to‘lanadigan to‘lovlarning rejali oshirilishidan voz kechadi, deb yozadi dpa agentligi. Uning ma’lumotlariga ko‘ra, bu haqdagi qonun loyihasi parlamentning 11 iyunga belgilangan yig‘ilishi kun tartibiga kiritilgan. Bu qaror tashabbuskorlari sifatida hukmron XDI/XCI (Xristian-demokratik ittifoq/Xristian-sosial ittifoq) va SDPG (Germaniya sosial-demokratik partiyasi) fraksiyalari chiqdi. Shu tariqa, ular saylovchilarga murakkab moliyaviy-iqtisodiy vaziyatda tejamkorlikka tayyor ekanliklarini namoyish etmoqchi.
Hukmron fraksiyalar byudjet bosimi sharoitida deputatlar ham tejamkorlikka "o‘z hissalarini qo‘shishlari" kerakligini ta’kidlamoqdalar.
Maoshlar oshirilishiga, shuningdek, muxolifatdagi partiyalar — "yashillar", "Germaniya uchun muqobil" va So‘l partiya ham qarshi chiqmoqda. Shu tariqa, mazkur masala keng siyosiy qo‘llab-quvvatlovga ega bo‘ldi.
Bundan oldin barcha 630 nafar deputatning maoshi oyiga deyarli 500 yevroga oshib, 12 330 yevroga yetishi ko‘zda tutilgan edi. Bu o‘sish Germaniyadagi ish haqining oshishi asosida avtomatik ravishda hisoblab chiqiladi. YouGov so‘rovnomasi ma’lumotlariga ko‘ra, Germaniya aholisining 85 foizi ham deputatlik to‘lovlari oshirilishiga qarshi chiqmoqda.
Million rossiyalik mamlakatni tark etdi
47°C issiqlikda tong ham, tun ham yo‘q: Hindistonning eng issiq hududida bir kun
O‘zbekiston – Niderlandiya o‘rtoqlik o‘yini Nyu-Yorkda bo‘lib o‘tadi
