Germaniya 4 avgust kuni Leypsig/Xalle aeroportida sodir bo‘lgan dron hodisasidan so‘ng Bonndagi Rossiya Bosh konsulligini yopishga qaror qildi.
Bu haqda Germaniya ichki ishlar vaziri Aleksandr Dobrindt va tashqi ishlar vaziri Yoxann Vadeful qo‘shma matbuot anjumanida e’lon qilishdi.
Vadefulning so‘zlariga ko‘ra, Rossiyaning Bonndagi Bosh konsulligi 18 sentyabr kuni faoliyatini to‘xtatadi.
Bosh konsullikni yopishdan tashqari, Germaniya hukumati Berlindagi Rossiya uyi faoliyati to‘g‘risidagi kelishuvni bekor qilish, Rossiya fuqarolarining mamlakatga kirishini nazorat qilishni kuchaytirish va Rossiyaning "soya floti"ga bosimni kuchaytirish niyatida.
Berlin shuningdek, Yevropa Ittifoqidan bir qator Rossiya amaldorlariga qarshi qo‘shimcha sanksiyalar qo‘llashni so‘ramoqchi.
Dobrindt ta’kidlaganidek, polisiya tergovi natijalari, harakatlarning mohiyati va birgalikda olingan razvedka ma’lumotlari Germaniya bahosida Leypsig/Xalle aeroportida portlovchi moddalar bilan to‘ldirilgan dron yordamida hujumga urinish uchun Rossiya javobgar ekanligini ko‘rsatadi.
Eslatib o‘tamiz, Leypsig/Xalle aeroportida dron Ukraina yuk samolyotiga urilib ketdi, ammo portlash sodir bo‘lmadi.
Toshkent davlat yuridik universitetida kontrakt narxlari keskin oshdi
Uch yoshida taxtga chiqqan Uganda monarxi 34 yoshida vafot etdi
Rossiyada dronlarga qarshi “aqlli” radar ishlab chiqildi
